Ամբիոնը կազմավորվել է 1969թ. (նախապես` ռուսաց և օտար լեզուների ամբիոն): 1973 թ. այն բաժանվել է 2 ինքնուրույն ամբիոնների` ռուսաց լեզվի և օտար լեզուների: Այժմ ամբիոնում աշխատում է 31 դասախոս, այդ թվում` 4 գիտությունների թեկնածու, 3 դոցենտ:
    Ամբիոնը սպասարկում է ինստիտուտի բոլոր ֆակուլտետներին. դասավանդվում է շուրջ 16 առարկա, այդ թվում` Օտար լեզուներ (գերմաներեն, ֆրանսերեն), Լատիներեն, Անգլերեն լեզու, Երկրագիտություն, Գործնական հնչյունաբանություն, Գրական անգլ. լեզվի պատմություն, Տեսական հնչյունաբանություն, Ուսումնասիրվող լեզվի երկրագիտություն, Անգլ. լեզվի դաս. մեթոդիկա, Բառագիտություն, Տեսական քերականություն, Անգլերեն լեզվի ոճաբանություն, Անգլ. և հայոց լեզվի համեմատ. տիպ., Թարգմանության տեսություն և պրակտիկա, Օտար լեզվի տեսություն, Գործնական քերականություն:
    Ամբիոնում մշակվում են տեսական առարկաների դասընթացներին համապատասխան ուսումնամեթոդական նյութեր, ստեղծվում են ուսումնական, ուսումնամեթոդական ձեռնարկներ, մշակումներ մասնագիտական և ոչ մասնագիտական ֆակուլտետների, ինչպես նաև դպրոցականների համար: Ամբիոնի դասախոսները 50-ից ավել հոդվածների և մի շարք գրքերի, ուսումնամեթոդական ձեռնարկների հեղինակ են: Տարբեր գրքերի, գիտական և ուսումնամեթոդական ձեռնարկներ են հրատարակել ամբիոնի դասախոսներԿ.Սարգսյանը, Ջ.Անտոնյանը, Ն.Ջաղինյանը, Վ.Վսարդանյանը, Մ.Դալալյանը: Ներկայումս 10 դասախոսներ աշխատում են թեկնածուական ատենախոսությունների վրա: Ամբիոնն ունի հրատարակած բազմաթիվ գիտական հոդվածներ, գիտամանկավարժական ձեռնարկներ: